ನೀ ಬರುವ ಸಮಯದಲಿ ಮಳೆಯು ಸುರಿಯುತಲಿರಲಿ
ಮಿಂಚಾಗಿ ನಿನ್ನ ಅಲೆಯು ನನ್ನ ಸೇರಲಿ
ಮನದ ಅಂಗಳ ತುಂಬಾ ನಿನ್ನ ನೆನಪಿನ ಬಳ್ಳಿ
ಚಿಗುರಿ ಟಿಸಿಲೊಡೆದು ಮನೆಗೆ ಹಬ್ಬಲಿ
ನಿನ್ನ ಮನದಲಿ ಮೂಡಿದ ಪ್ರೀತಿಯ ಮೊಗ್ಗು
ನನ್ನೆದೆಯ ಬನದಲ್ಲಿ ಹೂವಾಗಿ ಅರಳಲಿ.
ನೀ ಬರುವ ದಿಕ್ಕಿನಲಿ ನಲ್ಮೆಯ ಗಾಳಿಯು ಬೀಸಿ
ನನ್ನೀ ಬನವೆಲ್ಲಾ ಘಮಘಮಿಸಲಿ.
ನಿನ್ನ ಗೆಜ್ಜೆಯ ನಾದ ನನ್ನ ಕಿವಿಯಲಿ ಮೊಳಗಿ
ನನ್ನುಸಿರೇ ಗಾನದ ಹೊನಲಾಗಲಿ.
ನಿನ್ನ ಸವಿ ಮಾತುಗಳೆಲ್ಲ ಆಗಸದೆತ್ತರ ಏರಿ
ಅಲ್ಲೇ ಮೋಡಗಳಾಗಿ ನನ್ನೆಡೆಗೇ ಸುರಿಯಲಿ.
ನಿನ್ನ ನೆನಪುಗಳೆಲ್ಲಾ ಮಳೆಯ ಮುತ್ತುಗಳಾಗಿ
ಈ ಜಗದ ತುಂಬೆಲ್ಲಾ ಹೊಳೆಯಾಗಿ ಹರಿಯಲಿ.
14 comments:
ಚೆ೦ದದ ಸಿಹಿ ಕನಸು... ಸೊಗಸಾದ ಸಾಲುಗಳು..
ನಿವೇದಿತಾ
ಕೆಳಗಿನ ಸಾಲುಗಳು ಎಷ್ಟು ಮಧುರಾ
ನಿನ್ನ ಸವಿ ಮಾತುಗಳೆಲ್ಲ ಆಗಸದೆತ್ತರ ಏರಿ
ಅಲ್ಲೇ ಮೋಡಗಳಾಗಿ ನನ್ನೆಡೆಗೇ ಸುರಿಯಲಿ.
ನಿನ್ನ ನೆನಪುಗಳೆಲ್ಲಾ ಮಳೆಯ ಮುತ್ತುಗಳಾಗಿ
ಈ ಜಗದ ತುಂಬೆಲ್ಲಾ ಹೊಳೆಯಾಗಿ ಹರಿಯಲಿ
ಅಭಿನಂದನೆಗಳು
ಕವಿತೆಯ ತುಂಬಾ ಪ್ರೀತಿಯ ಘಮವಿದೆ
ಸವಿಗನಸು ತುಂಬಾ ಸಿಹಿಯಾಗಿದೆ!
tumba chennagi barediddeera umakka... ishtavaayithu yella saalugaLu..
ಉಮಕ್ಕ ..
ತುಂಬ ಮಧುರವಾದ ಕವಿತೆ .. ಸವಿಗನಸು ಚೆನ್ನಾಗಿದೆ ..
ಕವನ ಮುದ್ದಾಗಿದೆ. ಜೊತೆಗೆ ಒಪ್ಪವಾದ ಚಿತ್ರ. ಕೊನೆಯ ನಾಲ್ಕು ಸಾಲುಗಳಲ್ಲಿಣ ಆಶಯ ತುಂಬಾ ಆಪ್ತತೆಯಿಂದ ಕೂಡಿದೆ.
ನೀ ಬರುವ ಸಮಯದಲಿ ಮಳೆಯು ಬರದಿರಲಿ
ಮೋಡಗಳು ಚೆದುರಿ ರವಿ ತೇಜ ಬೆಳಗಿರಲಿ
ಶುಭ್ರಾನ್ತರಿಕ್ಷವಿರೆ ಉಡ್ಡಯನ ಸೊಗಸು
ಮುಂಜಾವು ಅನುಜೆಯಾ ಕಾಣುವಾ ಸೊಗಸು
ಕಾದಿರಲು ಕಳೆದಿಹುದು ವರ್ಷ ವಸಂತ
ಮಾತೆಯ ಮನವಿದೋ ಮಿಡಿಯುತಿದೆ ಅನಂತ
ಭಾವನೆಯು ಚಿಮ್ಮಿ ಶಬ್ದಗಳ ಸಾಲು
ಶೃಂಗಾರವಾಗಿದೆ ಅತ್ತೆಯಾ ಬ್ಲಾಗು
ಉಮಾ ಮೇಡಮ್,
ತುಮ್ಬಾ ಸೊಗಸಾಗಿದೆ..... ನೀವು ಹರಸಿದ ಹಾಗೆ ನಿಮ್ಮೆಲ್ಲಾ ಕನಸು ಸವಿಗನಸುಗಳು ನಿಜವಾಗಲಿ..... ಎಲ್ಲಾ ಸಾಲುಗಳು ಸೊಗಸಾಗಿದೆ....
ನನ್ನ ಬ್ಲೊಗಿಗೆ ಬನ್ನಿ ಒಂದು ಕಥೆ ಬರೆಯುವ ಪ್ರಯತ್ನ ಮಾಡಿದ್ದೇನೆ....
Aha,bahaladinagala nantara hosa nivedanege dhanyavadagalu Umakka.....
sogasina salugalige vandane.Matte kaleduhoguvudilla tane?
ಕವನ ಹಾಗೊ ಕನಸು ಎರಡೊ ಬಲುಸೊಗಸು. ನಿಮಗೆ ಹಲವು ನೆನಕೆಗಳು
ಹೊಸ ವಸಂತದ ಬರವಿನ ಮಾವಿನ ಗಿಡದಂತೆ,ನವ್ಯ ಭಾವವನ್ನು ಸ್ವಾಗತಿಸುತ್ತಿದೆ!!!!
ಬನ್ನಿ ನಮ್ಮನೆಗೂ
http://chinmaysbhat.blogspot.com
ತುಂಬಾ ಚೆಂದದ ಕವಿತೆ ಉಮಾ. ಬಹಳ ಇಷ್ಟವಾಯ್ತು.
ಆತ್ಮೀಯವಾಗಿ ಪ್ರತಿಕ್ರಯಿಸಿದ ನಿಮಗೆಲ್ಲರಿಗೂ ಧನ್ಯವಾದಗಳು
Post a Comment